लगातार आउँदैछन् बलिउडका यी ठूला फिल्म

एजेन्सी। कोरोना महामारीका कारण बन्द रहेको सिनेमा उद्योग विस्तारै चलमलाउन थालेको छ। नेपाली सिनेमा क्षेत्रजस्तै बलिउड पनि कोरोना महामारीका कारण भएको लकडाउनबाट प्रभावित थियो। तर, अब भने बलिउड पुनः लयमा आउने संकेत देखिएको छ।

भारतको महाराष्ट्र सरकारले २२ अक्टोबरदेखि सबै सिनेमा हल खुला गर्ने घोषणा गरेसँगै बलिउड गर्माएको हो। फिल्म निर्देशक रोहित सेट्टीको निरन्तरको पहलसँगै महाराष्ट्र सरकारले हल खुलाउने निर्णय गरेको हो।

महाराष्ट्र सरकारले हल खुला गर्ने निर्णय गरेसँगै रोहितले आफ्नाे फिल्म सूर्यवंशीको रिलिज मिति घोषणा गरेका छन्। उनले दिपावलीमा आफ्नो फिल्म रिलिजको घोषणा गरेका हुन्। सूर्यवंशीमा अजय देवगन, अक्षय कुमार, कटरिना कैफ तथा रणवीर सिंह रहेका छन्।

रोहितले आफ्नो फिल्मको रिलिज मिति घोषणा गरेसँगै बलिउडका ठूल्ठूला फिल्मले पनि रिलिज मिति सार्वजनिक गर्न थालेका छन्। अक्षय कुमार, आमिर खान, टाइगर श्राफलगायत स्टारको फिल्मको रिलिज मिति सार्वजनिक भएको छ।

यी हुन् २०२१-२२ मा रिलिज हुने बलिउड फिल्म
सूर्यवंशी, नो मिन्स नो – ५ नोभेम्बर २०२१
बन्टी और बबली २ – १ नोभेम्बर २०२१
सत्यमेव जयते २ – २ नोभेम्बर २०२१
तडप – ३ डिसेम्बर २०२१
चण्डीगढ करे आशिकी – १० डिसेम्बर २०२१
८३, पुष्पा भाग १ – २४ डिसेम्बर २०२१
जर्सी – ३१ डिसेम्बर २०२१
राधे श्याम – १४ जनवरी २०२२
पृथ्वीराज – २१ जनवरी २०२२
लाल सिंह चड्ढा, जयेशभाइ जोर्दार – २५ फेब्रुअरी २०२२
शमशेरा – १ मार्च २०२२
बच्चन पाण्डे – ४ मार्च २०२२
भूल भुलैया २ – २५ मार्च २०२२
केजीएफ २ – १४ अप्रिल २०२२
मेडे – २९ अप्रिल २०२२
हिरोपन्थी २ – ६ मे २०२२
रक्षाबंधन, आदि पुरुष – ११ अगस्ट २०२२
विक्रम वेधा रिमेक – ३० सेप्टेम्बर २०२२
राम सेतु – २५ अक्टोबर २०२२
गणपथ – २३ डिसेम्बर २०२२