‘यो संविधान सर्वसम्मत छ’

काठमाडौं । नेकपा (एमाले)का संसदीय दलका उपनेता सुवासचन्द्र नेम्बाङले अहिलको संविधान सर्वसम्मत भएको बताए।

एमालेले आइतबार आयोजना गरेको संविधान र राष्ट्रिय दिवस कार्यक्रममा मधेशकेन्द्रित दलहरूलाई लक्ष्य गर्दै संविधानको विरोध गर्नुको कुनै अर्थ नभएको नेम्बाङले बताए।

“संविधानको मूल प्रक्रियामा रहेर पनि विरोध गरिरहनुभएको छ”, नेम्बाङले भने, ” यो किन के कस्तो राजनीति हो?’ संविधान दिवसको अवसरमा सरकारले वितरण गरिएको पदक वितरणप्रति असन्तुष्टि जनाउँदै देश कतातिर अघि बढिरहेको छ भन्ने प्रश्न गरे।

फुटाउने र केपी शर्मा ओली सरकारविरूद्ध मुद्दा लड्नेले मेडल पाएको उनको भनाइ थियो। झलनाथ खलालप्रति लक्ष्य गर्दै दिल्लीमा बसेर पार्टी फुटाएकादेखि ओली सरकारविरुद्ध मुद्दा लड्नेलाई अहिलेको सरकारले सम्मान गरेको उनको टिप्पणी थियो।