जनगणना कार्तिक २५ देखि

नेपालभ्युज

काठमाडौं। कोरोनो संक्रमणको जोखिमले रोकिएको जनगणनाको कार्यतालिका सरकारले स्वीकृत गरेको छ। केन्द्रीय तथ्यांक विभागले प्रस्ताव गरेको कार्यतालिका सोमबारको मन्त्रिपरिषद् बैठकले अनुमोदन गरेको हो ।

विभागले भदौ २० गतेदेखि जनगणनाका क्रियाकलाप शुरु गर्ने गरी कार्यतालिका प्रस्ताव गरेको थियो । अब मूल गणना कात्तिक २५ देखि मंसिर ९ गतेसम्म हुनेछ। विभागले असार ८ गतेदेखि जनगणना सुरु गर्ने तयारी गरेको थियो । नयाँ कार्यतालिकाअनुसार भदौ २० देखि २६ गतेसम्म सुपरभाइजर भर्ना गरेर विभागले भदौ २७ र २८ गते सुपरभाइजरलाई तालिम दिनेछ।

तालिम पश्चात सुपरभाइजर भदौ ३० देखि असोज १८ गतेसम्म सूचीकरणका लागि घरघरमा खटिनेछन्। यही वर्षभित्र जनगणना सकिने विभागको दाबी छ।