भारतीय वायु सेनाको विमान दुर्घटना, दुईको मृत्यु

नेपालभ्युज

काठमाडौं। भारतको पश्चिमी राज्य राजस्थानमा प्रशिक्षण उडानको क्रममा दुर्घटनाग्रस्त भएको भारतीय वायुसेना (आईएएफ) का दुई विमान चालकको मृत्यु भएको छ ।

मिग-२१ जेट उडानको क्रममा दुर्घटना भएको भारतीय अधिकारीहरूले शुक्रबार जानकारी दिएका छन् । प्रशिक्षण उडानमा रहेको विमान राजस्थानको राजधानी जयपुरबाट करिब ५३२ किलोमिटर पश्चिममा रहेको बारमेर जिल्लामा दुर्घटनामा परेको भारतीय सञ्चार माध्यमले जनाएका छन् ।

भारतीय वायु सेनाले यस दुर्घटनामा ज्यान गुमाएकाप्रति गहिरो दुःख व्यक्त गरेको जानकारी दिएको छ । दुर्घटनापछि त्यहाँका एक अदालतले जाँचको आदेश दिइएको पनि वायुसेनाका अधिकारीहरूले जानकारी दिएका छन् । एजेन्सी