राप्रपा खेलकुद विभाग प्रमुख बस्नेतले दिए राजीनामा

नेपालभ्युज

काठमाडौं। राष्ट्रिय प्रजातन्त्र पार्टी (राप्रपा) को खेलकुद विभाग प्रमुख दमन बस्नेतले पदबाट राजीनामा दिएका छन्।

बस्नेतले पार्टीको साँघुरो सोच र गुटगत राजनीतिका कारण आफू निराश भएको भन्दै बुधबार साधारण सदस्य समेत नरहने गरी राजीनामा दिएका हुन्।

‘‘पछिल्लो समय राप्रपामा आएको सैद्धान्तिक वैचारिक विचलन, गुटगत राजनीति, साँघुरो सोच, अनि सङ्किर्णता र जडसुत्रवादी चिन्तनबाट म अत्यन्तै निराश भएँ । पार्टीलाई एउटा गन्तव्यमा पुर्‍याउने चाहना र सपनामाथि यी पक्षहरुले निकै ठुलो अनरोध पुग्ने मेरो निष्कर्ष हो’’, उनको राजीनामा पत्रमा उल्लेख छ।