चितवनमा पनि मतदान शुरु, प्रचण्डले भोट हाल्ने पुलिस स्कुल शान्तिपुरको यस्तो छ अवस्था

चितवन। स्थानीय तहको निर्वाचनमा देशभर मतदान शुरु भएको छ। चितवनमा पनि शुरु भएको छ। मतदाताहरू लाइनमा बसेका छन्। कतिपय केन्द्रमा मतदाता आउनै बाँकी छ।
भरतपुर–१४ स्थित पुलिस स्कुल शिवनगरमा पनि मतदाता आउने क्रम शुरु भएको छ।

यो केन्द्रमा मतदानका लागि नेकपा (माओवादी केन्द्र)का अध्यक्ष एवं पूर्व प्रधानमन्त्री पुष्पकमल दाहाल ‘प्रचण्ड’ पनि आउने छन्। उनले कति बेला भोट हाल्नेछन् त्यो भने सार्वजनिक भई नसकेको चितवन माओवादीले जनाएको छ।

प्रचण्ड मतदानको दिनभन्दा दुई दिन अगाडि नै चितवन आएर बसेका छन्। मौन अवधिमा मतदाता प्रभावित पार्न उनी सक्रिय देखिएको आरोप छ। बुधबार छोरी रेणु दाहालको निवासमा प्रचण्ड बसेका बेला प्रचण्ड निवासमा सरकारी र निजी गाडीको लावालस्कर लागेको थियो। राति १ बजे गठबन्धनका नेताहरूलाई पैसा बाँडेको भन्दै स्थानीयले नियन्त्रणमा लिएका थिए।