पौडेललाई लक्ष्मण घिमिरेको प्रश्न- खतरा कोबाट, “कम्युनिष्ट-कांग्रेस” बाट कि कम्युनिष्टबाट?

काठमाडौं । नेपाली कांग्रेसका नेता तथा पूर्वमन्त्री लक्ष्मण घिमिरेले गणतन्त्रलाई कम्युनिष्टले खाँदै गएका र काग्रेसले साथ दिँदै गएको बताएका छन्।

नेपाली कांग्रेसका नेता रामचन्द्र पौडेलले आज पूर्वमन्त्री नवीन्द्रराज जोशीको प्रथम स्मृति दिवसका अवसरमा लोकतन्त्रमाथि अनेकौं षडयन्त्र भइरहेकाले नेपालमा अझै पनि लोकतन्त्र सुदृढ र सुनिश्चित हुन नसकेको बताएका थिए। नेता पौडेलको अभिव्यक्तिपछि घिमिरले ट्वीटमार्फत यस्तो व्यंग्य गरेका हुन्।

घिमिरले पौडेलको भनाइप्रति कटाक्ष गर्दै लोकतन्त्रमा खतरा काँग्रेसबाट कि ? कम्युनिष्टबाट ? कम्युनिष्ट-काँग्रेसबाट ? भनी प्रश्न गरेका छन्।

उनले थप लेखेका छन्- प्रजातन्त्रलाई लोकतन्त्रले खायो, लोकतन्त्रलाई गणतन्त्रले खायो, गणतन्त्रलाई कम्युनिष्टले खाँदैछन् काँग्रेसले साथ दिँदै छ ! अब फेरि केको गनगन ? उनले फेरि पनि प्रश्न गरेका छन्।

घिमिरे पहिलो संविधानसभामा पौडेल संसदीय दलको नेता छँदा नेपाली कांग्रेसको मुख्य सचेतकसमेत थिए।

लोकतन्त्रमाथि षडयन्त्र भइरहेको छ : वरिष्ठ नेता रामचन्द्र पौडेल : “काँग्रेसबाट कि ? कम्युनिष्टबाट ? कि कम्युनिष्ट-काँग्रेसबाट ? प्रजातन्त्रलाई लोकतन्त्रले खायो, लोकतन्त्रलाई गणतन्त्रले खायो, गणतन्त्रलाई कम्युनिष्टले खाँदैछन् काँग्रेसले साथदिंदै छ ! अब फेरि केको गनगन ?”

— Laxman Ghimire (@ghimirelp) March 27, 2022