रूससँग वार्ताका लागि युक्रेनी राष्ट्रपतिका ६ सर्त

काठमाडौं। रूससँगको शान्ति वार्ताका लागि ६ वटा सर्त अगाडि सारेको छ। राष्ट्रका नाममा सम्बोधन गर्दै युक्रेन का राष्ट्रपति भोलोदिमिर जेलेन्स्कीले शान्ति वार्ताका लागि तयार रहेको बताए। उनले आफ्ना ६ वटा सर्त सम्बोधन हुनुपर्नेमा जोड दिए।
रूसले युद्ध अन्त्य गर्नुपर्ने युक्रेनको पहिलो सर्त छ। त्यसैगरी सुरक्षाको सुनिश्चितता, स्वाधीनता, क्षेत्रीय भौगोलिक अखण्डताको पुनर्स्थापना, देशको वास्तविक सुनिश्चितता र वास्तविक रूपमै देशको संरक्षण हुनुपर्ने राष्ट्रपति जेलेन्स्कीले बताएका छन्।
रूसले युक्रेनमा आक्रमण शुरु गरेको केही दिनपछि दुई पक्षका बीचमा शान्ति वार्ता शुरु भएको थियो। तर, यसअघिका वार्ता परिणाममुखी हुन भने सकेनन्। गएको सोमवार चौथो चरणमा पछिल्लो वार्ता भएको थियो। रुसले गएको फेब्रुअरी २४ तारिखदेखि युक्रेनमा निरन्तर आक्रमण गर्दै आएको छ।
उता रुसले भने असमान सम्झौताको सर्त अघि सारेको छ। रुसले राखेका सर्तहरू युक्रेनले नमान्ने चर्चा गरिएको छ।

युद्ध अन्त्यका लागि रुसका सर्तहरू
१, युक्रेन नाटोमा प्रवेश गर्दैन र तटस्थताको स्थिति कायम राख्छ।
२, क्रिमिया रूसको एक क्षेत्रको रूपमा मान्यता पाउनुपर्ने छ।
३, डोनेट्स्क र लुगान्स्कका जनगणतन्त्रहरूलाई स्वतन्त्रता प्रदान गरिनेछ।
४, रुसका लागि खतरा हुने हतियारलाई युक्रेनले निःशस्त्रीकरण र आत्मसमर्पण गर्नुपर्नेछ।
५, युक्रेन डिनाजिफिकेशनको प्रक्रियाबाट गुज्रिरहेको छ। युक्रेनी नेतृत्वको बारेमा पुटिनको अघिल्ला भनाइमा आधारित सरकार परिवर्तन हुनेछ।
६, रुसी युक्रेनको दोस्रो आधिकारिक भाषा बन्छ। र यसको प्रयोगलाई निषेध गर्ने कानुनहरू खारेज हुन्छन्।