युक्रेनी राष्ट्रपति जेलेसिन्कीको दाबीः हामीले ६ हजार रूसी सेनालाई मारिसक्यौं

युक्रेनमा रूसी आक्रमण बुधबार सातौं दिन पनि जारी छ। युक्रेको खार्किभलगायत धेरै प्रमुख शहरहरूमा बारम्बार आक्रमणहरू भइरहेका छन्।

२४ घण्टामा भएको आक्रमणमा २१ जनाको मृत्यु भएको छ भने ११२ जना घाइते भएका छन्। आज बिहान रूसी प्याराट्रूपर्सले खार्किभको एक अस्पतालमा आक्रमण गरेका छन्। यसै क्रममा युक्रेनी राष्ट्रपति भ्लोदोमिर जेलेन्स्कीले युद्धमा अहिलेसम्म करिब ६ हजार रूसी सैनिक मारिएको दाबी गरेका छन्।

युक्रेनको रक्षा मन्त्रालयले बुधबार राति भनेको थियो– धेरै रूसी सैनिक हाम्रो हिरासतमा छन्। उनीहरूलाई जन्म दिने आमाहरू आएर लैजान सक्छन्। मंगलबार यी सैनिकको संख्या ६० रहेको बताइएको छ।

भारतीय प्रधानमन्त्री नरेन्द्र मोदीले आजै रूसी राष्ट्रपति भ्लादिमिर पुटिनसँग कुराकानी गरेका थिए। युद्धपछि दुई नेताबीचको यो कुराकानी भेट हो। यस अवधिमा भारतीय जनताको सुरक्षित फिर्ता हुने विश्वास गरिएको छ।

युक्रेनका नागरिक युद्धपछि अन्य देशमा बसाइँ सरेका छन्। अधिकांश आप्रवासी युक्रेनको सिमाना जोडिएको पोल्याण्ड, हंगेरी, मोल्डोभा, रोमानिया, स्लोभाकिया र बेलारूसमा भएका छन्। युक्रेनमा आक्रमण गर्ने रूसबाट एक लाखभन्दा बढी मानिस भागेका अन्तर्राष्ट्रिय सञ्चारमाध्यमले जनाएका छन्।