छक्का प्रहार लगत्तै ब्याट्सम्यानको हृदयघात भएर मृत्यु

काठमाडौं । भारतको पञ्जाबस्थित फिरोजपुरमा क्रिकेट खेल्ने क्रममा एक ब्याट्सम्यानको हृदयघात भएर मृत्यु भएको छ ।

सामाजिक सञ्जालमा सार्वजनिक भिडियोमा एक युवक ब्याटिङ गरिरहेको र छक्का पनि प्रहार गरेको देख्न सकिन्छ । तर, छक्का प्रहार लगत्तै ती युवक भुइँमा थचक्क बसेका थिए ।

सँगै रहेका साथीहरू उनको अवस्था बुझ्नलाई नजिकै पुग्दा उनी भुइँमा पल्टिन्छन् ।

त्यसपछि मैदानमा उपस्थित अन्य साथी खेलाडीहरूले उनलाई कार्डियोपल्मोनरी रिससिटेशन (सीपीआर) दिन्छन् । तर, उनको मृत्यु हुन्छ ।

भारतीय सञ्चारमाध्यमकाअनुसार फिरोजपुरको डीएभी स्कूल मैदानमा क्रिकेट खेल खेलिरहेको बेलामा हरजीत सिंहको मृत्यु भएको हो ।

ख़ौफ़नाक दृश्य।
पंजाब के फिरोजपुर में क्रिकेट खेलते वक़्त एक खिलाड़ी ने जैसे ही ज़बरदस्त छक्का मारा,
अचानक दिल का दौरा पड़ा और उसी मैदान पर दम तोड़ दिया।

ज़िंदगी वाकई पल भर की मेहमान है… 🕯️#Firozpur #HeartAttack #Cricketer pic.twitter.com/AsM3evT01T

— Ankit Rajput (@AnkitKu50823807) June 29, 2025

यसअघि जुन २०२४ मा पनि मुम्बईमा यस्तै घटना भएको थियो । क्रिकेट खेलको क्रममा ४२ वर्षीय एक पुरुषको मृत्यु भएको थियो । मृतकको पहिचान राम गणेश तेवरको रूपमा गरिएको थियो । छक्का प्रहार गरेपछि उनको पनि हृदयघातका कारण मृत्यु भएको खुलेको थियो ।