उडान भरे लगत्तै एअर इन्डियाको विमान दुर्घटना

काठमाडौं । भारतमा विमान दुर्घटना भएको छ । गुजरात राज्यको अहमदाबादमा एअर इन्डियाको विमान उडान भरे लगत्तै दुर्घटनामा परेको हो ।

दुर्घटना भएको मेघानीनगर आईजी कम्प्लेक्सबाट कालो धुवाँको मुस्लो उडिरहेको भारतीय सञ्चारमाध्यमले जनाएका छन् । उक्त जहाजमा २४२ जना यात्रु सवार रहेको एएनआईले जनाएको छ ।

अहिले यस क्षेत्र जाने सबै सडकहरू बन्द गरिएको छ ।

उक्त विमान अहमदाबादबाट लन्डन जाँदै थियो र अहमदाबाद विमानस्थलबाट उडान भरेको केही समयपछि मेघानीनगर नजिकै दुर्घटनाग्रस्त भएको हो ।

विमानस्थलबाट मेघानीनगरको दूरी लगभग १५ किलोमिटर छ । दुर्घटना लगत्तै ७ वटा दमकलका गाडी घटनास्थलमा पुगेर आगो निभाउन थालेका छन् ।

VIDEO | Ahmedabad: Smoke seen emanating from airport premises. More details are awaited.

(Full video available on PTI Videos – https://t.co/n147TvrpG7)

(Source: Third Party) pic.twitter.com/qbO486KoEo

— Press Trust of India (@PTI_News) June 12, 2025