बागमतीका मेयर भरत थापाविरुद्धको मुद्दामा ‘बुझ्ने आदेश’

काठमाडौं । विशेष अदालतले बागमती नगरपालिकाका मेयर भरत थापाविरुद्धको भ्रष्टाचार मुद्दामा ‘बुझ्ने आदेश’ गरेको छ ।

न्यायाधीशत्रय टेकनारायण कुँवर, तेजनारायण सिंह राई र विदुर कोइरालाको इजलासले यस्तो आदेश दिएको हो । साथै, अदालतले मुद्दामा सम्बन्धित थप प्रमाण मगाएको पनि भनेको छ ।

नेकपा माओवादी केन्द्रबाट निर्वाचित थापाविरुद्ध अख्तियार दुरुपयोग अनुसन्धान आयोगले दुईवटा भ्रष्टाचार मुद्दा दायर गरेको छ ।

अख्तियारले स्रोत नखुलेको सम्पत्ति आर्जन गरेको दाबीसहित मेयर थापासहित चारजनाविरुद्ध २८ चैत २०८० मा मुद्दा दर्ता गरेको थियो ।

यस्तै ०७४ असोजदेखि ७९ माघसम्म सार्वजनिक पदधारण गर्दाको अवधिमा थापाले अवैध रुपमा पाँच करोड रुपैयाँभन्दा बढी गैरकानुनी सम्पत्ति आर्जन गरेको अभियोग लगाइएको छ ।