एकतर्फी खुल्यो सिद्धार्थ राजमार्ग

पाल्पा । पाल्पाको तिनाउ गाउँपालिका–३, माथिल्लो सिद्धबाबा नजिकै सुख्खा पहिरो खस्दा अवरुद्ध भएको सिद्धार्थ राजमार्ग एकतर्फी खुलेको छ ।

शनिबार अपराह्न खसेको सुख्खा पहिरोबाट पाल्पा–बुटवल सडक अवरुद्ध भएपछि सयौं सवारी साधनका साथै यात्रु अलपत्र परेका थिए ।

चार वटा हेभी मेसिनले पहिरो पन्छाएपछि सडक एकतर्फी सञ्चालन भएको तिनाउ गाउँपालिकाका अध्यक्ष प्रेम श्रेष्ठले जानकारी दिए ।

जिल्ला ट्राफिक प्रहरी कार्यालय पाल्पाका अनुसार ढुंगासहितको पहिरो ठूलो भएकाले दोहोरो सवारी साधन सञ्चालनमा आउन अझै केही समय लाग्नेछ ।

लोकप्रिय (यो साता)