ट्रम्पको नस्लीय प्रश्न : ह्यारिस अश्वेत कि भारतीय ?

काठमाडौं । जुलाई ३१ मा एक छलफलको क्रममा पूर्वअमेरिकी राष्ट्रपति डोनाल्ड ट्रम्पले उपराष्ट्रपति कमला ह्यारिसको जातीय पहिचानमा कडा हमला गरेका छन् ।

अश्वेत पत्रकारहरूको सम्मेलनमा बहसका क्रममा ट्रम्पले कमला ह्यारिसको अश्वेत र भारतीय पहिचानमाथि प्रश्न उठाएका थिए ।

ट्रम्पले सम्भावित डेमोक्र्याटिक राष्ट्रपति पदका उम्मेदवार ह्यारिसको बारेमा गलत आरोप लगाए । ‘हालसालै उनले आफ्नो एसियाली-अमेरिकी सम्पदालाई मात्र जोड दिएका थिइन् ।’ ट्रम्पले भने । ट्रम्पले दाबी गरे– ‘अब उनी अश्वेत बनेकी छिन् ।’

ट्रम्पले बुधबार शिकागोमा नेशनल एसोसिएसन अफ ब्ल्याक जर्नलिस्टको सम्मेलनमा भने, ‘केही वर्ष पहिलेसम्म उनी अश्वेत थिइन् भन्ने थाहा थिएन, अब उनी आफूलाई अश्वेतको रूपमा छोड्न चाहन्छिन् ।’

‘त्यसोभए मलाई थाहा छैन कि उनी भारतीय हुन् वा अश्वेत ।’ कमला ह्यारिसले ट्रम्पको टिप्पणीलाई पुरानो जमानाको विभाजनकारी र अपमानजनक व्यवहार भनेकी छन् ।