पानीजहाज बिनाको कार्यालय उद्घाटन गरेको भन्दै विरोध गर्ने कांग्रेसकै पहलमा पानीजहाज विधेयक संसद्‌मा पेस हुँदै

काठमाडौं । प्रधानमन्त्री केपी शर्मा ओलीले पानीजहाजसम्बन्धी विधेयक संसद्मा पेस गर्ने प्रक्रियामा रहेको बताएका छन् ।

सोमबार प्रतिनिधि सभामा भएको प्रश्नोत्तरमा ओलीले पानीजहाजको सञ्चालन तथा व्यवस्थापनसम्बन्धी कानुनलाई संशोधनको क्रममा रहेको बताए ।

पानीजहाजको सञ्चालन तथा व्यवस्थापनसम्बन्धी कानुनलाई संशोधन र एकीकरण गर्न बनेको विधेयक मन्त्रिपरिषद्बाट असार २७ मा संसद्मा पेस गर्ने प्रयोजनार्थ स्वीकृत भइसकेको बताए । उनले यससँगै अब संसद्मा पेस गर्ने प्रक्रियामा रहेको जानकारी गराए ।

पानीजहाज बिनाको कार्यालय उद्घाटन गरेको भन्दै अघिल्लो पटक तत्कालीन प्रतिपक्षी कांग्रेसले प्रधानमन्त्री ओलीलाई व्यङ्ग्य गरेको थियो । अहिले कांग्रेस नै सरकारमा हुँदा ५४ वर्ष पुरानो पानीजहाज दर्ता ऐन संशोधन संशोधनकोको लागि संसद्मा पेस गर्ने प्रक्रियामा रहेको हो ।

२०२७ सालमा लालमोहर लागेको ऐन सरकारले ५२ वर्षपछि संशोधन गर्न प्रस्ताव गरेको हो ।

यस्तै, सरकारले पानीजहाजविरुद्धको कसुरमा हुने सजाय पनि हेरफेर गरेको छ । दर्ता नगरी पानीजहाज सञ्चालन गरेमा दुई वर्षसम्म कैद वा एक लाख रुपैयाँसम्म जरिवाना वा दुवै सजाय हुने प्रस्ताव विधेयकमा गरिएको छ । दर्ता प्रमाणपत्रमा कुनै थपघट गरेमा लिखत कसुरको वर्तमान कानुन नै आकर्षित हुनेछ । पानीजहाजसम्बन्धी कसुरका मुद्दा सरकारवादी मुद्दा हुने र क्षेत्राधिकार जिल्ला अदालतलाई हुनेछ ।