सञ्जीदा शेख भन्छिन् – सम्बन्धविच्छेद भएकोमा भाग्यमानी महसुस गरिरहेकी छु

काठमाडौं । निर्देशक सञ्जय लीला भन्सालीको सिरियल हीरामन्डीमा वहिदा जानको भूमिका निभाएकी सञ्जीदा शेख विवादमा परेकी छन् ।

हालै नायिकाले पूर्व पति आमिर अलीसँग सम्बन्ध विच्छेदको विषयमा बयान दिएकी थिइन् ।

उनले सम्बन्धविच्छेद भएकोमा आफू भाग्यमानी भएको बताएकी थिइन् । तर, उनको भनाइले विवाद सुरू भएको छ ।

उनका पूर्व पति आमिर अलीले उनीमाथि सार्वजनिक रूपमा आफ्नो मानहानी गरेको बताएका छन् । डिमोटिभेशन गर्नेहरूबाट टाढै बस्नु राम्रो हुने सञ्जीदाले बताएकी थिइन् ।

हालै हटरलीसँगको एक अन्तर्वार्तामा सञ्जीदा शेखले भनेकी थिइन्, ‘ केही पुरूष र केही साझेदार छन्, जसले तपाईलाई डिमोटिभट गर्ने प्रयास गर्छन्, उनीहरूले तपाईलाई केही गर्न नसक्ने बताउँछन् । वा तिनीहरूले तपाईंलाई भन्छन् कि तपाईं यो गर्न सक्नुहुन्न । यस्तो अवस्थामा यस्ता मानिसबाट टाढै बस्नु राम्रो हुन्छ ।’

आमिर अली र सञ्जीदा शेखको पहिलो भेट टिभी शो क्या दिल मे हैको सेटमा भएको थियो ।

सँगै काम गर्दागर्दै उनीहरू सम्बन्धमा आए र दुबैले २०१२ मा विवाह गरेका थिए । सन् २०१८ मा सन्जिदा शेखले छोरीलाई जन्म दिइन् । तर, यो जोडीले २०२१ मा सम्बन्धविच्छेद गरेका थिए ।