आयरल्याण्ड ‘ए’ ले दियो नेपाल ‘ए’ लाई १५८ रनको लक्ष्य, कमल सिंह ऐरीको ह्याट्रिक

नेपालभ्युज

काठमाडौं। एकदिवसीय क्रिकेट सिरिजको पहिलो खेलमा आयरल्याण्ड ‘ए’ले नेपाल ‘ए’ लाई १५८ रनको लक्ष्य दिएको छ । कमल सिंह ऐरीले ह्याट्रिकसहित ४ विकेट लिएपछि आयरल्याण्ड सस्तैमा अलआउट भएको हो ।

कीर्तिपुरस्थित त्रिवि अन्तर्राष्ट्रिय क्रिकेट मैदानमा बुधबार जारी खेलमा आयरल्याण्ड ‘ए’ ३८.३ ओभरमा १५७ रन बनाएर अलआउट भयो ।

आयरल्याण्डका अन्तिम तीन विकेट कमल सिंह ऐरीले लगातार लिएका थिए । उनले ३८ ओभरको पहिलो, दोस्रो र तेस्रो बलमा विकेट लिए। साहब आलम र मौसम ढकालले २–२ तथा रिजन ढकालले १ विकेट लिए।

आयरल्याण्ड ‘ए’ का लागि केड कार्माइकलले ५१ रन बनाए। टस जितेर आयरल्याण्ड ‘ए’ ले पहिले ब्याटिङ गर्ने निर्णय गरेको थियो।