सोडियमको कमीले शरीरमा देखिन्छन् यस्ता लक्षण

एजेन्सी । शरीरमा सोडियमको मात्रा कम वा धेरै हुनु राम्रो मानिँदैन ।

खासगरी सोडियम एउटा इलेक्ट्रोलाइट हुन्छ । यो रगतमा हुन्छ र शरीरका कोषिकामा पानीको मात्रालाई नियमन गर्न सहयोग गर्दछ । यदि रगतमा सोडियमको मात्रा कम भयो भने मानिसलाई हाइपोनेट्रेमिया पनि हुन सक्छ ।

तपाईंमा सोडियमको कमी हुने कारण बारेमा जान्न चाहनुहुन्छ भने यो समस्या केही औषधि, मुटु, मिर्गौला वा कलेजोसँग जोडिएका समस्याका कारणले हुने गर्छ ।

कहिलेकाँही आवश्यकता भन्दा बढी पानी पिउँदा पनि शरीरमा सोडियमको कमी हुन सक्छ । आउनुहोस् जानौं सोडियमको कमी हुँदा देखिने लक्षण बारे ।

कमजोरी

शरीरमा सोडियमको कमी हुँदा मानिस केही काम नगरेर पनि छिट्टै थाक्ने गर्छ । उनीहरुलाई अल्छी लाग्न थाल्छ र जतिबेला पनि थकान महसुस हुन्छ।

टाउको दुख्ने

हिजोआज टाउको दुख्ने समस्या सामान्य भइसकेको छ । तर. सोडियमको कमीले भने लगातार टाउको दुख्न सक्छ । यस्तो स्थितिमा दिमागमा ऊर्जाको कमी हुन्छ जसले गर्दा तनाव पनि हुन्छ ।

शरीरमा झनझनाहट

सोडियमको कमीले शरीरमा झनझनाहट पनि हुन सक्छ । यसले मांसपेशी दुख्ने तथा ऐंठन हुने समस्या देखिन्छ । यस्तोमा शरीरमा झनझनाहट वा सुन्नपन महसुस हुन सक्छ । यस्तोमा तपाईंले खानामा नुनको मात्रा बढाउनु पर्ने हुन्छ ।

वान्ता

शरीरमा सोडियमको कमी हुँदा मानिसलाई वाकवाकी लाग्ने र कतिपय अवस्थामा वान्ता नै हुने समस्या पनि हुन सक्छ ।

यस्ता विभिन्न समस्या लगातार देखिएमा एकपटक रगत जाँच गराई यसको मात्रा पत्ता लगाउन सकिन्छ ।