त्रिशुली बचाउन जलयात्रा पर्यटन व्यवसायीको प्रदर्शन (फोटोकथा)

त्रिशुली जलयात्रा व्यवसाय विस्थापित हुन लागेको भन्दै व्यवसायी र जलयात्रा व्यवसायसँग सम्बन्धित सरोकारवालाहरू प्रदर्शनमा उत्रिए

त्रिशुली बचाउन जलयात्रा पर्यटन व्यवसायीको प्रदर्शन (फोटोकथा)

कुरिनघाट। चितवनको इच्छाकामना गाउँपालिका र गोरखाको गण्डकी गाउँपालिकाको सिमानामा रहेको त्रिशुली नदीमा बन्न लागेको प्रस्तावित सुपर त्रिशूली जलविद्युत परियोजनाको बिरोधमा जलयात्रा पर्यटन व्यवसायीहरू शनिबार प्रदर्शनमा उत्रिएका छन् ।

ब्लु ईनर्जी नेपालले बनाउन लागेको १०० मेघावाटको प्रस्तावित हाइड्रोपावर परियोजनाले सन् ६० को दशकदेखि सुरु भएको त्रिशुली जलयात्रा व्यवसाय विस्थापित हुन लागेको भन्दै व्यवसायी र जलयात्रा व्यवसायसँग सम्बन्धित सरोकारवालाहरू प्रदर्शनमा उत्रिएका हुन् ।

प्रदर्शनलाई सम्बोधन गर्दै पर्यटन व्यवसायी मेघ आले
प्रदर्शनमा सहभागीहरु

त्रिशुली बचाउ महाअभियानका संयोजक तथा पर्यटन व्यवसायी मेघ आलेको संयोजकत्वमा भएको विरोध कार्यक्रममा नेपाल एसोसिएसन अफ राफ्टिंग एजेन्सिज (नारा), हिमालयन रिभर गाइड एसोसिएसन (एचआरजीए) वातावरण विज्ञ, वातावरण कानुनविद्, जलयात्रा पर्यटन सँग सरोकारवाला सङ्घसंस्था, स्थानीय सरोकालावालालगायतको उपस्थिति रहेको थियो ।

फिस्लिंगमा रहेको “अपसेट”
त्रिशुली नदीमा जलयात्रा गर्दै पर्यटक
त्रिशुली नदीमा जलयात्रा गर्दै पर्यटक

महाअभियानका संयोजक आलेका अनुसार जलयात्रा व्यवसायी तथा श्रमिकहरूको मातृ नदी त्रिशूलीलाई विश्वभरका साहसिक जलयात्रा पर्यटकको पहिलो रोजाइमा पर्ने गरेको छ । त्रिशूली नदी राफ्टिंग लागि उत्कृष्ट केन्द्र रहेको यस क्षेत्रमा हाइड्रोपावर निर्माणले राफ्टिंग व्यवसाय सङ्कटमा पर्ने उनको धारणा छ ।

विरोध प्रदर्शनका सहभागी
विरोध प्रदर्शनका सहभागी

नेपालमा जलविद्युत् निर्माणका लागि सम्भाव्य अन्य नदीनाला भए पनि जलयात्राका लागि पर्यटकको पहिलो रोजाइमा रहेको त्रिशुली नदीको यस क्षेत्रमा हाइड्रोपावर निर्माण गर्दा हजारौँको रोजगारी गुम्ने र व्यवसायीको लगानी डुब्ने जलयात्रा पर्यटन व्यवसायीको भनाइ छ । त्रिशुली सरकारले राफ्टिंगका लागि खुला गरेका विभिन्न १६ नदीमध्येको प्रमुख गन्तव्य हो ।

विरोध प्रदर्शनका सहभागी

कार्यक्रममा नाराका अध्यक्ष शिव अधिकारीले गोरखाको गण्डकी गाउँपालिका १ बुट्टार र चितवनको इच्छाकामना गाउँपालिका ३ चुमखोलास्थित प्रस्तावित हाइड्रोपावर निर्माण भएसँगै जलयात्रा पर्यटन व्यवसायीको सम्पूर्ण लगानी डुब्ने बताए । यस त्रिशूली नदीलाई साहसिक जलयात्राको विश्वविद्यालयका रूपमा लिने गरिएको र यहाँ राफ्टिंगको तालिम लिएर विश्वभर जुनसुकै देशमा गएर पनि नेपालीहरूले काम गर्न सक्ने उनको भनाइ छ।

नाराका अध्यक्ष शिव अधिकारी

पर्यटन व्यवसायीका अनुसार प्रस्तावित परियोजनाका कारण अर्बौँको लगानीमा सञ्चालित राफ्टिङ, होटेल, रिसोर्ट तथा समस्त पर्यटन उद्योगले नै ठूलो क्षति व्यहोर्ने छ । जसका कारण नेपालको पर्यटन क्षेत्रको बारेमा विश्वभर नै नकारात्मक सन्देश प्रवाह हुने निश्चित छ ।

साथै, त्रिशुली नदी अन्तर्गत नुवाकोट जिल्लाको धार्मिक, सांस्कृतिक र ऐतिहासिक दृष्टिकोणले महत्त्वपूर्ण देबीघाटदेखि तनहुँ, चितवन र नवलपुर को त्रिशुली-काली गण्डकीको सङ्गममा पर्ने धार्मिकस्थल देवघाट नदी खण्डलाई अविलम्ब सम्पदा नदी घोषणा गरियोस् र यसको  संरक्षण गरियोस् भन्ने उनीहरूको माग छ ।

निर्माणाधीन हाइड्रोपावर निर्माण क्षेत्र
निर्माणाधीन हाइड्रोपावर निर्माण क्षेत्र
निर्माणाधीन हाइड्रोपावर निर्माण क्षेत्र
निर्माणाधीन हाइड्रोपावर निर्माण क्षेत्रमा भएको प्रदर्शन
निर्माणाधीन हाइड्रोपावर निर्माण क्षेत्र

 

 


Comment

Leave a Reply

Your email address will not be published. Required fields are marked *

थप समाचार

Copyright © 2025 Digital House Nepal Pvt. Ltd. - All rights reserved