एसियाली खेलकुद : नेपालका ३ जुडो खेलाडी पराजित

नेपालभ्युज

काठमाडौं। १९औं एसियाली खेलकुदमा नेपालका ३ जुडो खेलाडी पराजित भएका छन्।

चीनको हान्जाउमा सोमबार बिहान भएको पुरुष ८१ केजीमुनि खेलमा नेपालका जंगबहादुर सारु फिलिपन्सका जोन भिरोन फेरेरसँग पराजित भएका हुन्।

महिला ५७ केजीमुनिको प्रि-क्वार्टरफाइनल खेलमा नेपाली खेलाडी मनिता श्रेष्ठ तुर्कमेनिस्तानकी मायसा पार्दायेभासँग पराजित भइन्। मनिता मायासासँग १०–० ले पराजित भइन्।

महिला ७० केजीमुनिमा नेपालकी पुनम श्रेष्ठ मङ्गोलियाकी न्याम–इर्देन बाटसुरीसँग १०–० ले पराजित भइन्।