तीन हजार वटा कार बोकेको पानी जहाजमा आगलागी

एजेन्सी । नेदरल्यान्ड्स नजिकैको समुन्द्रमा तीन हजार वटा कार बोकेको एक कार्गो पानी जहाजमा आगो लागेको छ ।

जर्मनीबाट इजिप्ट गइरहेको पानी जहाजमा आगो लागेको अधिकारीहरुले जनाएका छन् । जहाजमा आगो लागेपछि चालक दलका केही सदस्य समुद्रमा हाम फालेका थिए ।

घटनामा एक जनाको ज्यान गएको छ। रोयटर्सका अनुसार कुनै कारमा विद्युत सर्ट भएर आगो लागेको हुन सक्छ ।

ठूलो संख्यामा नौसेना खटिएर डुब्दै गइरहेको जहाज जोगाउने कोसिस गरिहेका छन् ।

जहाजमा आगाे लागेपछि एउटा हेलिकप्टरकाे सहयाेगमा चालक दलका २३ जना सदस्यलाई बाहिर निकालिएकाे खबरमा छ ।

लोकप्रिय (यो साता)