आम आदमीका सांसदले रातभर संसद भवनमै धर्ना दिए

एजेन्सी । भारतमा आम आदमी पार्टीका सांसद सञ्जय सिंहलाई सोमबार राज्यसभाबाट पूरै मनसुन सत्रका लागि निलम्बित गरिएपछि पार्टीका सांसदले संसद भवन बाहिर धर्ना दिएका छन् ।

केन्द्रीय मन्त्री पियुष गोयलले सदनमा यो विषय उठाएपछि उपराष्ट्रपति तथा राज्यसभाका अध्यक्ष जगदीप धनखरले सञ्जय सिंहलाई आवाजबाट निलम्बन गरेका थिए ।

आम आदमी पार्टी, कांग्रेसलगायत विपक्षी दलहरूले यो निलम्बनको विरोध गरेका छन्। यी सांसदहरुले संसद परिसर बाहिर रातभर आन्दोलन जारी राखेका थिए । यो धर्ना मंगलबार बिहानसम्म जारी छ ।

सञ्जय सिंहले ट्वीटरमा लेखेका छन्, ‘कारगिलका योद्धाले प्रधानमन्त्री नरेन्द्र मोदीलाई सोधिरहेका छन् । देशको रक्षाका लागि सबै त्याग गरेकी छु तर मेरी श्रीमतीमाथि किन यस्तो क्रूरता भयो ? यदि तपाईंसँग सहानुभूतिको एक कण पनि छ भने, उठ्नुहोस् र मोदी सरकारलाई प्रश्न सोध्नुहोस्।’