युक्रेनलाई कलस्टर बम दिने निर्णयप्रति अमेरिकाका साझेदार नै असन्तुष्ट

 एजेन्सी। युक्रेनलाई क्लस्टर बम प्रदान गर्ने अमेरिकी सरकारको निर्णयमा अमेरिकाकै धेरै सहयोगीहरूले असन्तुष्टि व्यक्त गरेका छन्।

शुक्रबार अमेरिकाले युक्रेनमा विवादास्पद हतियारहरू पठाएको पुष्टि गरेको छ ।  राष्ट्रपति जो बाइडेनले यसलाई “धेरै गाह्रो निर्णय” भनेका छन् ।

बेलायत, क्यानडा र स्पेन लगायतका देशकाले अमेरिकी निर्णयको विरोध गरेका छन् । उनिहरु सबैले घातक हतियारको प्रयोगको विरोधमा रहेको जनाएका छन् ।

क्लस्टर बमले नागरिकलाई निम्त्याउने खतराका कारण सय भन्दा बढी देशहरूले प्रतिबन्ध लगाएका छन्। कलस्टर बमले सामान्यतया धेरै साना बमलेटहरू छोड्छन्, जसले फराकिलो क्षेत्रमा अन्धाधुन्ध मार हान्न सक्छन् ।

विस्फोट नगरिएका बमहरू वर्षौंसम्म जमिनमा रहन सक्छन् र त्यसपछि अन्धाधुन्ध विस्फोट हुन सक्छन्। बाइडेनले शुक्रबार एक अन्तर्वार्तामा सीएनएनलाई भने कि, उनले निर्णयको बारेमा सहयोगीहरूसँग कुरा गरेका थिए र कलस्टर बम सैन्य सहायता प्याकेजको हिस्सा थियो।

अमेरिकाको राष्ट्रिय सुरक्षा सल्लाहकार जेक सुलिभानले पत्रकारहरूलाई भने कि युक्रेनमा पठाइएका अमेरिकी क्लस्टर बमहरू युक्रेनमा रूसले प्रयोग गरिसकेको छ।

यस निर्णयको मानव अधिकार समूहहरूले तुरुन्तै आलोचना गरेका छन । एम्नेस्टी इन्टरनेशनलले क्लस्टर हतियारहरूले द्वन्द्व समाप्त भएको लामो समय पछि पनि नागरिक जीवनका लागि गम्भीर खतरा निम्ताउने भन्दै अमेरिकी निर्णयको आलोचना गरेको छ।

अमेरिकाको निर्णयमा आफ्नो अडानबारे सोध्दा बेलायतका प्रधानमन्त्री ऋषि सुनकले हतियारको उत्पादन वा प्रयोगमा प्रतिबन्ध लगाउने र प्रयोगलाई निरुत्साहित गर्ने क्लस्टर हतियारसम्बन्धी महासन्धिमा हस्ताक्षर गरेका १ सय २३ देशहरूमध्ये बेलायत एक भएको बताएका छन् ।

स्पेनका रक्षामन्त्री मार्गारिटा रोबल्सले पत्रकारहरूलाई भनेकी छिन् कि, उनको देशसँग युक्रेनमा केही हतियार र बमहरू पठाउन नसकिने “दह्रो प्रतिबद्धता” छ। क्यानाडाली सरकारले पनि बम पठाउने अमेरिकी निर्णयप्रति चिन्तित रहेको बताएको छ।