संसद बैठक बस्दै, बजेटमाथि मन्त्रालयगत रुपमा छलफल सुरु हुने

नेपालभ्युज

काठमाडौं। प्रतिनिधिसभाको बैठक आज विहीबार बस्दै छ ।

सङ्घीय संसद् भवन, नयाँ बानेश्वरमा बिहान ११ बजे बस्ने बैठकमा आगामी वर्षको बजेटमाथिको छलफलले निरन्तरता पाउनेछ । यसअघि बजेटका सैद्धान्तिक विषयमा छलफल भएकोमा आजको बैठकबाट मन्त्रालयगत रूपमा विनियोजन विधेयकमाथिको छलफल प्रारम्भ हुनेछ ।

आजको बैठकमा वन तथा वातावरण मन्त्रालय, महिला, बालबालिका तथा ज्येष्ठ नागरिक मन्त्रालय, युवा तथा खेलकुद मन्त्रालय र सहरी विकास मन्त्रालयका विभिन्न शीर्षकमाथि छलफल हुने संसद् सचिवालयले जानकारी दिएको छ ।