सामसङको उत्कृष्ट स्मार्टफोन ग्यालेक्सी एफ-५४ अब नेपाली बजारमा

काठमाडौं। सामसङले नयाँ उत्कृष्ट ग्यालेक्सी एफ-५४ स्मार्टफोन फाइभजीका साथ बजारमा लिएर आएको छ।

कम्पनीको यो नयाँ हाई–रेन्ज स्मार्टफोन निक्कै नै शक्तिशाली छ। जसमा १०८ मेगा पिक्सेलको मुख्य क्यामेरा, ओआईएस र ग्यालेक्सीको प्रिमियम डिजाइन उपलब्ध छ। ६.७” सुपर एमोलेड प्लस डिस्प्ले र १२० हर्ज रिफ्रेस रेटका साथ यस फोनले उपभोक्ताले सहज रूपमा हेर्न र स्क्रोल गर्न सक्छन्। ८ जीबी र्‍याम क्षमता र २५६ जीबी आन्तरिक मेमोरीका साथ उपलब्ध छ।

यसमा रहेको १०८ एमपी मुख्य क्यामेरा, ८ एमपी अल्ट्रा–वाइड र २ एमपी म्याक्रो लेन्स क्यामेराबाट हुने ट्रिपल–लेन्स सेटअपले प्रयोगकर्ताले एडभान्स क्यामेराको अनुभव पाउनेछन्। योबाहेक पनि मुख्य क्यामेरामा भएको ओआईएस तथा भीडीआईएसले कम प्रकाशमा पनि उत्कृष्ट फोटोहरू खिच्न दिन्छ।

ग्यालेक्सी एड्ड- ५४ ले रातको समयमा पनि सफा स्पष्ट डिटेल भएको फोटोहरू दिन्छ। यसको अगाडि रहेको ३२ मेगापिक्सेल लेन्स क्यामेराको प्रयोग गरी हाई क्वालिटीको सेल्फी, भिडियो र भिडियो कलहरू गर्न सकिन्छ।

अक्टा–कोर एक्सिनोस १३८० चिपसेट जडित ग्यालेक्सी एफ५४ निकै नै टिकाउ छ। उत्कृष्ट ६००० एमएएच ब्याट्री रहेको यस फोनले आफ्नो प्रयोगकर्तालाई पावर सकिने चिन्ता नगरी यसको प्रयोग गर्न पाउने अनुभव दिन्छ। २५वाटको सुपर–फास्ट चर्जिङले ३० मिनेटको चार्जमा नै पूरा दिन मोबाइल चल्नेछ। यति मात्र हैन ४ जेनेरेसनसम्म ओएस अपग्रेड र ५ वर्षसम्मको ग्यारेन्टी सुरक्षा अपडेट पनि पाइनेछ।

यसमा रहेको ‘भ्वाइस फोकस’ले आसपासको आवाजहरूलाई कम गर्छ र भ्वाइस वा भिडियो कलको बेला प्रयोगकर्ताको आवाजलाई स्पष्ट बनाउँछ। यसको प्रयोगले प्रयोगकर्तालाई धेरै आवाज हुने ठाउँहरूमा पनि स्पष्टताका साथ कलहरू गर्न दिन्छ।

ग्यालेक्सी एफ-५४ दुई आकर्षक रङहरूमा उपलब्ध छ– सिल्भर र निलो। यसको ८+२५६ जीबी भेरियन्ट रु.५२ हजार ४९९ को मूल्यमा बजारमा उपलब्ध छ। यो मोडल देशभरका सबै शोरुममा बिक्रीका लागि उपलब्ध गराएको छ।