बयान दिएर फर्किए डोनाल्ड ट्रम्प, अमेरिका नरकमा जान थालेको टिप्पणी

एजेन्सी। अमेरिकी पूर्व राष्ट्रपति डोनाल्ड ट्रम्प औपचारिक रुपमा पक्राउ परेका छन् ।

उनि आफै अदालतमा पुगेका थिए र  उनलाई अदालतमा बयान सुरु हुनु अघि नै प्रहरी हिरासतमा राखिएको थियो । अदालत पुगेपछि उनलाई पक्राउ गरिएको जानकारी गराइएको थियो ।

उनी आपराधिक आरोपको सामना गर्ने पहिलो अमेरिकी राष्ट्रपति हुन्। एक पोर्न स्टारलाई रकम दिएर अपराध लुकाउन प्रेरित गरेको मुख्य आरोप ट्रम्पलाई लागेको छ । उनिमाथि ३४ वटा जघन्य अपराधका मुद्दा दर्ता भएकाछन् ।

तर ट्रम्पले आफूले कुनै अपराध नगरेको भन्दै जघन्य घटनामा आरोपित हुन अस्वीकार गरेका छन् ।  ट्रम्पले आफ्नो व्यापार रेकर्डमा कुनै गल्ती नगरेको पनि बताएका छन् ।

म्यानहट्टन अदालतमा न्यायाधीश जुआन मार्चानको अगाडि उनले आफूले कुनै अपराध नगरेको बताए ।अदालतमा बयान दिएपछि उनि आफ्नो निवास फ्लोरिडा फर्केका छन् र समर्थकलाई सम्बोधन गरेका छन् ।

उनले राज्यले आफूलाई पटक पटक गलत आरोप लगाएर गैर नागरिकलाई जस्तो व्यवहार गरेको गुनासो गरेका छन् । कुनै प्रमाणविना सन् २०१६ देखि नै आफूमाथि नियोजित आक्रमण भइरहेको उनको भनाई छ ।

‘यो कुनै पनि अमेरिकी पूर्व राष्ट्रपतिमाथिको ठगि र अपमान हो मलाई यो अवस्थामा पुर्‍याउनेरुलाई लाज लाग्नुपर्छ,’ ट्रम्पले भनेका छन् ।

उनले आफ्नो देश नरकमा जाँदै गरेको पनि बताएका छन् । ‘अहिले अमेरिकामा भइरहेका हर्कत देखेर सारा विश्व हाँसिरहेको छ, हाम्रो देश नरकमा जाँदैछ,’ ट्रम्पले भनेका छन्।