सन्दीप लामिछानेविरुद्धको मुद्दामा आजदेखि अन्तिम सुनुवाइ हुँदै

नेपाली राष्ट्रिय क्रिकेट टिमका पूर्व कप्तान रहेका लामिछानेविरुद्ध गत कात्तिक १४ गते जिल्ला अदालत काठमाडौंमा जबरजस्ती करणीको मुद्दा दायर भएको थियो।

नेपालभ्युज

काठमाडौं। क्रिकेटर सन्दीप लामिछानेविरुद्धको बलात्कारको मुद्दामा आज सोमबारदेखि अन्तिम सुनुवाइ सुरु हुँदैछ।

जिल्ला अदालत काठमाडौंमा आजदेखि लामिछानेको मुद्दामा अन्तिम सुनुवाइ हुन लागेको हो । काठमाडौं जिल्ला अदालतले यसअघि सन्दीपलाई पुर्पक्षको लागि जेल पठाउन आदेश दिएपनि उच्च अदालत पाटनले धरौटीमा रिहा गर्न आदेश दिएको थियो ।

सन्दीपलाई १२ वर्ष कैद सजायको मागदाबी गरिएको छ। यस्तै, विदेश जान नपाउने उच्च अदालतको सर्त सर्वोच्च अदालतले खारेज गरिदिएपछि सन्दीपले विदेशमा गएर समेत नेपालको लागि खेलिसकेका छन् ।