कांग्रेस संसदीय दल कार्यसमितिको बैठक बस्दै, यी विषयमा हुँदैछ छलफल

नेपालभ्युज

काठमाडौं। नेपाली कांग्रेसले संसदीय दल कार्यसमितिको बैठक आज बस्दैछ। बैठक बिहान ९ बजे सभापति शेरबहादुर देउवा निवास धुम्बाराहीमा बस्न लागेको हो।

राष्ट्रियसभा उपाध्यक्ष र समसामयिक राजनीतिक घटनाक्रमबारे छलफल गर्नका लागि बैठक बस्न लागेको मुख्य सचेतक रमेश लेखकले जानकारी दिए।

आजको बैठकमा राष्ट्रपति निर्वाचनको विषयमा पनि छलफल हुने बताइएको छ । निर्वाचन आयोगले राष्ट्रपति निर्वाचनको मिति घोषणा गरेसँगै कांग्रेसले छलफललाई तीव्रता दिएको हो।
प्रधानमन्त्री पुष्पकमल दाहाल प्रचण्डलाई विश्वासको मत दिएपछि कांग्रेसले राष्ट्रिय सहमतिको आधारमा राष्ट्रपति पद पाउनपर्ने बताउँदै आएको छ ।