निर्वाचन आउन २३ दिन बाँकी, आयोगले पठाउन थाल्यो निर्वाचन सामग्री

प्रतिनिधिसभा र प्रदेशसभा निर्वाचन आउन अब २३ दिन मात्रै बाँकी रहँदा निर्वाचनका लागि निर्वाचन आयोगले निर्वाचन सामग्री ढुवानी शुरु गरेको छ ।

नेपालभ्युज

काठमाडौं। प्रतिनिधिसभा र प्रदेशसभा निर्वाचन आउन अब २३ दिन मात्रै बाँकी रहँदा निर्वाचन आयोगले निर्वाचन सामग्री ढुवानी शुरु गरेको छ ।

शुक्रबार आयोगले मतपेटिका, स्वस्तिक लगायत विभिन्न ५७ प्रकारका सामग्री ढुवानी सुरु गरेको हो।
सुदूरपश्चिम, कर्णाली र प्रदेश नं १ का कतिपय दुर्गम जिल्लाहरूमा निर्वाचन सामग्री पठाउन थालिएको निर्वाचन आयोगका प्रवक्ता शालिग्राम शर्मा पौडेलले बताए।

प्रवक्ता पौडेलका अनुसार निर्वाचन सामग्रीहरू जिल्ला निर्वाचन कार्यालयमा पुर्याइसकेपछि निर्वाचन अधिकृतले मतदान अधिकृतलाई बुझाउने छन्। त्यसपछि मतदान अधिकृतको नेतृत्वमा कतिपय विकट क्षेत्रमा ती सामग्री पठाउनु पर्ने भएकाले सामग्री पठाउने काम शुक्रबार अवेरसम्म हुने पौडेलले बताएका छन्।