सामसङको सबैभन्दा सस्तो इयरफोन ‘Galaxy Buds Core’ सार्वजनिक, यस्ता छन विशेषता  

काठमाडौं। सामसङले नेपालमा आफ्नो सबैभन्दा किफायती ट्रु वायरलेस इयरफोन Galaxy Buds Core सार्वजनिक गरेको छ। यी बड्सहरू जुलाई १ देखि नेपालभरका सामसङका आधिकारिक बिक्रेताहरूबाट खरिद गर्न सकिनेछ।

दैनिक प्रयोगका लागि डिजाइन गरिएको यो इयरफोनमा प्रिमियम सुविधाहरू समावेश छन्। यसको बजार मूल्य रु ७,३९९ तोकिएको छ। यो कालो र सेतो गरी दुई रङमा उपलब्ध छ।

कम्प्याक्ट, शक्तिशाली र स्मार्ट
Galaxy Buds Core मा डायनामिक ड्राइभरहरू प्रयोग गरिएको छ जसले गहिरो र इमर्सिभ साउन्डका साथै शक्तिशाली बास प्रदान गर्दछ। यसमा रहेको एक्टिभ न्वाइज क्यान्सलेसन (ANC) र कल न्वाइज रिडक्सनले गर्दा धेरै हल्ला भएको ठाउँमा पनि स्पष्ट आवाज सुन्न र कुरा गर्न सकिन्छ। तीनवटा माइक प्रणालीले गर्दा फोन कल, संगीत सुन्न वा मिटिङका लागि यो इयरबड निकै उपयुक्त छ।

इयरबडमा सुरक्षित र सहज विङटिप्स पनि छन्, जसले गर्दा कठिन गतिविधिहरूका बेला पनि यो सहजै कानमा अडिन्छ।

Galaxy AI इन्टरप्रिटर: तपाईँको कानमा रियल-टाइम अनुवाद
यो बड्सको सबैभन्दा मुख्य विशेषताहरू मध्ये एक हो Galaxy AI इन्टरप्रिटर, जसले आमने-सामने कुराकानीका क्रममा दुईतर्फी रियल-टाइम अनुवाद प्रदान गर्दछ। यसले प्रयोगकर्तालाई आफ्नो भाषामा बोल्दा त्यसलाई तुरुन्तै अनुवाद गरेर सुनाइदिन्छ।

यस्ता छन् अन्य विशेषता 

संगीत, कल र भ्वाइस असिस्टेन्ट चलाउनका लागि टच कन्ट्रोल।

उपकरणहरूबीच सजिलै स्विच गर्नका लागि अटो स्विच र मल्टि-डिभाइस कनेक्टिभिटी।

सामसङ फाइन्ड एप मार्फत ‘Find My Earbuds’ सुविधा।

IP54 रेटिङका साथ पानी र धुलो प्रतिरोधी।

स्थिर र छिटो कनेक्टिभिटीका लागि ब्लुटुथ ५.४।

चार्जिङ केससहित ३५ घण्टासम्मको ब्याट्री लाइफ (ANC सँग २० घण्टा)।

Galaxy Buds Core ले उत्कृष्ट विशेषताहरूलाई किफायती मूल्यमा उपलब्ध गराउँदै दैनिक उपयोगिता र नवीनताको मिश्रण गरेको छ।