वार्ता असफल भए अमेरिकी प्रविधि कम्पनीमाथि कर लगाउने ईयूको तयारी

काठमाडौं । डोनाल्ड ट्रम्पसँग करयुद्ध अन्त्य गर्न वार्ता असफल भएमा युरोपेली सङ्घ (ईयू)ले अमेरिकी विशाल प्रविधि कम्पनीमाथि कर लगाउन सक्ने प्रमुख उर्सुला भोन डेर लेयेनले बताएकी छन् ।

फाइनान्सियल टाइम्सलाई दिएको अन्तर्वार्तामा लेयेनले अमेरिकी राष्ट्रपति ट्रम्पले स्टिल, आल्मुनियम, कार र युरोपेली सङ्घबाट आयात हुने अधिकांश वस्तुलाई लक्षित गरी कर लगाएपछि ईयूले वासिङ्टनसँग पारस्परिक लाभकारी सम्झौता गर्न चाहेको बताइन् ।

भोन डेर लेयेनले अमेरिकालक्षित अहिलेसम्मकै आफ्नो कडा टिप्पणीमा भनेकी छन्, “उहाँ प्रतिशोधको आफ्नो धम्कीलाई बढावा दिन तयार हुनुहुन्छ र वार्ता असफल भएमा अमेरिकी सेवाहरूलाई लक्षित गर्न तयार हुनुहुन्छ। यदि वार्ताबाट कुनै परिणाम ननिस्केमा प्रतिवादका विभिन्न उपाय अपनाउँछौँ ।”

एफटीले उनलाई उद्धृत गर्दै भनेको छ, “उदाहरणका लागि ईयूले डिजिटल सेवाहरूको विज्ञापन राजस्वमा कर लगाउन सक्नेछ, जसले नयाँ दबावमुलक व्यापार हतियारको प्रयोग बढाउनेछ ।”

युरोपमा सार्वजनिक खरिद सम्झौताहरूमा अमेरिकी कम्पनीहरूको पहुँच सीमित गर्नसक्ने ‘बाजुका’ भन्ने ईयूलाई सेवाहरू लक्षित गर्ने कानुनी धारणालाई प्रयोग गर्नसक्छ ।

युरोपविरुद्ध आफ्नो कर अभियानलाई बढावा दिने गुनासोहरूमध्ये अमेरिकी प्रशासनले तथाकथित गैर–कर अवरोधहरूको बारेमा गुनासो गरेको छ। यसले अनुचित रूपमा अमेरिकी निर्यातमा बाधा पुर्याउन सक्छ ।

विशेषगरी समूहको प्रविधि प्रतिस्पर्धा र सामग्री नियन्त्रणलाई अनलाइनमा नियमन गर्ने मूल्य वर्धित कर (भ्याट) र प्रविधिसम्बन्धी कडा नियम, डिजिटल बजार ऐन र डिजिटल सेवा ऐनको प्रयोग समूहले गर्नसक्ने अधिकारीहरूले बताएका छन् ।

ट्रम्पले व्यापकरूपमा नयाँ कर लागू गर्ने नीति अख्तियार गरेपनि ‘वार्तालाई मौका दिनका लागि’ भन्दै यसबाट करिब ९० दिनका लागि पछि फर्कने वा घोषणालाई कार्यान्वयनमा नलाने बताएपछि ईयूले अमेरिकी सामानहरूमा योजनाबद्ध करवृद्धिहरू राख्नेछ किनकि अमेरिकाले यस पहिले धातु र कारहरूमा लगाउने घोषणा गरेका करहरू लागू छन् र सबै सामानहरूमा आधारभूत १० प्रतिशत कर लगाइएको छ । एएफपी