बुमराहको अशोभनीय हर्कत, नन स्ट्राइकर कोन्स्टाससँग भनाभन

काठमाडौं । सिड्नीमा जारी पाँचौं टेस्ट क्रिकेटमा भारतले घरेलु टोली अष्ट्रेलियासामु पहिलो इनिङ्समा १८५ रन बनाएको छ ।

भारतले ७२.२ ओभरमा अलआउट हुँदै १८५ रन बनायो ।

त्यसपछि ब्याटिङ गर्न आएका अष्ट्रेलियाका ओपनर साम कोन्स्टास र भारतका कप्तान जसप्रित बुमराहबीच केही भनाभन भएको छ ।

कोन्स्टासले पहिलो बलमै चौका प्रहार गर्दै बुमराहविरुद्ध गतिलो सुरुवात गरेका थिए । यसअघि चौथो टेस्टमा उनले अर्धशतक प्रहार गरेका थिए ।

सोहीकारण सिड्नी टेस्टमा पनि फ्यानले यी दुईबीच भिडन्त हुने अपेक्षा गरेका थिए ।

कोस्टासले इनिङ्सको पहिलो बलमा बुमराहलाई चौका प्रहार गरे । तर, त्यसपछि बुमराहले उनलाई लामो शट खेल्ने मौका दिएनन् ।

अस्ट्रेलियाको इनिङ्सको तेस्रो ओभरमा बुमराह र कोन्स्टासबीच भनाभन भएको छ ।

यसपटक झगडा मौखिक भएको छ ।

ओभरको चौथो बलमा उस्मान ख्वाजा स्ट्राइकमा थिए ।

उनले बल सामना गर्न तयारी गर्न समय लिइरहेका थिए । बुमराहलाई त्यो मन परेन ।

उनले केही भनेपछि कोन्स्टासले नन स्ट्राइकर एन्डबाट जवाफ दिन थाले ।

यसपछि वातावरण तात्यो र दुबै खेलाडी एकअर्कातर्फ अघि बढे । जसमा बुमराह निकै आक्रामक देखिएका थिए । अम्पायरले हस्तक्षेप गरेपछि खेल सुरु भएको थियो ।

Fiery scenes in the final over at the SCG!

How’s that for a finish to Day One 👀#AUSvIND pic.twitter.com/BAAjrFKvnQ

— cricket.com.au (@cricketcomau) January 3, 2025

बुमराहको उक्त हाउभाउ देखेर सामाजिक सञ्जालमा उनको आलोचना भइरहेको छ । कप्तानको जिम्मेवारी सम्हालेको खेलाडीले यस्तो व्यवहार देखाउनु गलत भएको बताइरहेका छन् ।

खेलका क्रममा यस्तो रवैया देखाउनु भारतीय खेलाडीका लागि नौलो कुरा भने होइन ।

यसअघि मेलबर्न टेस्टमा विराट कोहलीले जानाजान कोन्स्टासलाई धकेलेका थिए ।

जसकारण आईसीसी म्याच रेफ्रीले कोहलीको म्याच फीको २० प्रतिशत कटौती गरेका थिए भने एक डी-मेरिट अङ्क पनि दिइएको थियो ।

कोहलीले स्वीकारे गल्ती, आईसीसीले गर्‍यो कारबाही