‘अब नाच्छ अमेरिका’ का लागि उडे शान्तिश्री, रचना, ज्योति र करिष्मा

नेपालभ्युज

काठमाडौं । नेपालका चर्चित गायिकाहरू शान्तिश्री परियार, रचना रिमाल, ज्योति मगर र मोडल करिष्मा ढकालसँगै अमेरिका उडेका छन्।

उनीहरु सोमबार बेलुका ‘अब नाच्छ अमेरिका’ सांगीतिक टुरका लागि त्यसतर्फ प्रस्थान गरेका हुन् । उनीहरूको अमेरिका बसाइ झण्डै दुई महिनाको हुने बताइएको छ ।

हरितालिका तीजको अवसर पारेर फ्लाई नेपालेले आयोजना गरेको उक्त कार्यक्रममा उनीहरुले अमेरिकाका विभिन्न राज्यमा प्रस्तुति दिनेछन् ।

चारैजनाको यो पहिलो अमेरिका टुर रहेको बताइएको छ । अगस्ट १० मा बोस्टन सहरबाट टुरको सुरूआत हुनेछ । सेप्टेम्बर २९ मा लस एन्जल्समा अन्तिम प्रस्तुती रहने आयोजकले जनाएको छ ।