अब व्यवसायीक कारोबारको रकम व्यक्तिगत खातामा जम्मा गर्न नपाइने

नेपालभ्युज

काठमाडाैं । अब व्यवसायीक कारोबार बापतको रकम व्यक्तिगत खातामा जम्मा गर्न नपाइने भएको छ । आन्तरिक राजश्व विभागले एक सार्वजनिक सूचना जारी गर्दै सो नियम कार्यान्वयनमा आएको जानकारी गराएको हो ।

आर्थिक विधेयक, २०८१ बाट आयकर ऐन, २०५८ को दफा ८१ क. थप भई व्यावसायिक कारोबार बापतको रकम व्यक्तिगत खातामा जम्मा गर्न नपाइने विज्ञप्तिमा जानकारी गराएको हो ।

यस्तो व्यवस्था कार्यान्वयन नगरिएमा हरेक पटक पाँच हजार रूपैयाँ वा कुल कारोबार रकमको दुई प्रतिशतमध्ये जुन बढी हुन्छ सो रकम शुल्क लाग्ने व्यवस्था गरिएको विभागले जनाएको छ ।