जितपछि मोदीको पहिलो प्रतिक्रिया- नयाँ ऊर्जा, उमंग र संकल्पका साथ अघि बढ्छु

काठमाडौं । भारतीय लोकसभा निर्वाचनमा वनारसबाट उम्मेदवार भएर विजयी भएका प्रधानमन्त्री नरेन्द्र मोदीले पहिलो प्रतिक्रिया सार्वजनिक गरेका छन् ।

सामाजिक सञ्जाल ‘एक्स’मार्फत् उनले जनताले लगातार तेस्रो पटक आफ्नो विश्वास व्यक्त गरेको उल्लेख गरेका छन् । ‘भारतको इतिहासमा यो एउटा अभूतपूर्व क्षण हो’, उनले लेखेका छन् ।

उनले नयाँ ऊर्जा, उमंग र संकल्पको साथ अघि बढ्ने प्रतिबद्धता पनि व्यक्त गरेका छन् । ‘म देशबासीलाई विश्वास दिलाउन चाहन्छु, तपाईंहरूको आकांक्षा पूरा गर्नका लागि म नयाँ ऊर्जा, नयाँ उमंग र नयाँ संकल्पका साथ अघि बढ्छु’, उनले लेखेका छन् ।

जारी मतगणनामा भारतीय जनता पार्टीले १४० सिट जितिसकेको छ । ऊ १०० स्थानमा अघि छ । जारी मतगणनाको रुझान हेर्दा भाजपा नेतृत्वको गठबन्धन ‘एनडीए’ले २९० हाराहारीमा सिट जित्ने देखिन्छ ।

भारतमा सरकार गठनका लागि २७२ सिट भए पुग्छ ।

देश की जनता-जनार्दन ने एनडीए पर लगातार तीसरी बार अपना विश्वास जताया है।

भारत के इतिहास में ये एक अभूतपूर्व पल है।
मैं इस स्नेह और आशीर्वाद के लिए अपने परिवारजनों को नमन करता हूं।

मैं देशवासियों को विश्वास दिलाता हूं कि उनकी आकांक्षाओं को पूरा करने के लिए हम नई ऊर्जा, नई…

— Narendra Modi (@narendramodi) June 4, 2024