सिरोहियाको पक्षमा कांग्रेसका सांसद, सहकारी ठगी प्रकरण विषयान्तर गर्न पक्राउ पुर्जी जारी भएको निष्कर्ष

काठमाडौं । गृहमन्त्री रवि लामिछानेले आफूविरुद्ध श्रृखलावद्ध समाचार प्रकाशन गरेको भन्दै प्रतिशोध साध्न कान्तिपुर मिडिया ग्रुपका अध्यक्ष कैलाश रिसोहियाविरुद्ध पक्राउ पुर्जी जारी गराएको कांग्रेस सांसदहरूले टिप्पणी गरेका छन् ।

बुटवलको सुप्रिम सहकारी र पोखराको सूर्यदर्शन सहकारीका बचतकर्ताको करोडौँ रकम अपचलन गरेको समाचार कान्तिपुरले निरन्तर प्रकाशन गरेपछि त्यो झोँकमा रिसइबी र प्रतिशोध साँधेको प्रस्ट देखिएको उनीहरूले बताएका छन् । आफूले गरेको सहकारी ठगी प्रकरण विषयान्तर गर्न पक्राउ पुर्जी जारी कांग्रेस सांसदहरूको निकर्ष छ ।

नागरिकता दुरुपयोगको मुद्दामा कान्तिपुरका अध्यक्ष कैलाश सिरोहियाविरुद्ध पक्राउ पुर्जी

आफ्ना दुष्कर्म लुकाउने र व्यक्तिगत इगो साँध्ने हतियारका रूपमा आफ्ना मातहतका निकायको दुरुपयोग भएको भन्दै सिरोहियालाई आफ्नो साथ रहेको कांग्रेस सांसदहरूले बताएका छन् ।

कान्तिपुर मिडिया ग्रुपका अध्यक्ष सिरोहियालाई भेट्न कान्तिपुर मिडिया ग्रुपको कार्यालय थापाथली पुगेका सांसदहरूले उनको साथमा रहेको जानकारी गराए ।

सिरोहियालाई पक्राउ पुर्जी जारी भएपछि राज्य व्यवस्था तथा सुशासन समितिका सभापति रामहरि खतिवडासहित कांग्रेस सांसदहरू राजेन्द्र बजगाईँ, दीपक गिरी, राजु थापालगायत थापाथलीस्थित कान्तिपुरको कर्पोरेट कार्यालयमा पुगेर ऐक्यबद्धता जनाएका हुन् । एनपी साउदसहित, रामनाथ अधिकारी, वीरबहादुर बलायर, चन्दा चौधरीलगायत पनि छन् ।

सत्ता र शक्तिको दुरूपयोग गरी प्रतिशोध साँध्न खोजियो, विचलित हुन्नँ : कैलाश सिरोहिया

नागरिकता किर्ते गरेको अभियोगमा अनुसन्धान गर्न आवश्यक रहेको भन्दै जिल्ला प्रहरी कार्यालय धनुषाले जिल्ला अदालतबाट मंगलबारमात्र सिरोहियाविरुद्ध पक्राउ पुर्जी लिएको थियो । पक्राउ पुर्जी लिएलगतै समााचार सार्वजनिक भएका थिए । त्यो लगतै कांग्रेस सांसदहरू सिरोहियालाई सहानुभूति दिन गएका हुन् ।

सांसदसँग सिरोहियाले आफूमाथि राजनीतिक प्रतिशोध साँधिएका दाबी गरेका छन् ।

उनले भने, ‘यस्ता कुनै पनि ब्लाकमेलिङ र राजनीतिक ब्ल्याकमेलिङबाट हामी कति पनि विचलित नभई आफ्नो कर्तव्य पूरा गर्छौँ । व्यक्तिगतरूपमा म जस्तो पनि अनुसन्धान भोग्नका लागि तयार छु । सिरोहियाले पक्राउ पुर्जीविरुद्ध सर्वोच्च अदालतमा रिट दायर गर्दैछन् ।