आयरल्याण्ड ‘ए’ विरूद्ध नेपाल ‘ए’ को इनिङ्स संकटमा, दश रन जोड्न पाँच विकेट खर्च

काठमाडौं। एकदिवसीय क्रिकेट सिरिजको पहिलो खेलमा आयरल्याण्ड ‘ए’ विरुद्ध नेपाल ‘ए’ लगातार विकेट गुमाएको छ ।

कीर्तिपुरस्थित त्रिवि अन्तर्राष्ट्रिय क्रिकेट मैदानमा जारी खेलमा नेपाल ‘ए’ ले ५ ओभरपश्चात हरेक ओभरमा विकेट गुमाएको हो। यससँगै नेपाल ‘ए’ को ब्याटिङ संकटमा देखिएको छ।

नेपाल ‘ए’ ले ५ र ६ ओभरमा २ –२ तथा ७ ओभरमा १ विकेट गुमायो। ३५ रन जोड्दा पहिलो विकेट गुमाएको नेपालले थप १० रन जोड्दा ५ विकेट गुमाएको हो ।

५.१ ओभरमा ३५ रन जोड्दा देव खनाल आउट भएपछि नेपालको विकेट पतन सुरु भएको हो । ७औं ओभरको चौथो बलमा अर्जुन साउद ४ रनमा आउट हुँदा नेपालले केवल ४५ रन बनाउन सक्यो।

भीम सार्की गोल्डन डकआउटको सिकार भए। छैठौं ओभरको पहिलो बलमा भीम सार्की र अन्तिम बलमा आरिफ शेख डकआउट भए।

क्याप्टेन विनोद भण्डारी पनि ९.३ ओभरमा ९ रनमा आउट भएपछि नेपाल थप संकटमा परेको छ ।

नेपालले ९.३ ओभरमा ६ विकेट गुमाएर ५६ रन बनाएको छ ।

५ ओभरको अन्तिम बलमा अर्जुन कुमाललाई आयरल्याण्ड ‘ए’ का लियाम म्याकार्थीले ९ रनमा आउट गरे। यो म्याकार्थीको दोस्रो विकेट हो।

यसअघि उनले ५ ओभरको पहिलो बलमा देव खनाललाई २६ रनमा आउट गरेका थिए।

आयरल्याण्ड ‘ए’ ले दिएको १५८ रनको लक्ष्यमा नेपाल ‘ए’ ले जवाफी ब्याटिङ गरिरहेको छ।