बागमतीले कोशीलाई दियो २७४ रनको लक्ष्य, आशुतोषको शतक

नेपालभ्युज

काठमाडौं। प्रधानमन्त्री कप एकदिवसीय राष्ट्रिय क्रिकेटमा बागमतीले कोशी प्रदेशलाई २७४ रनको उच्च लक्ष्य दिएको छ।

कीर्तिपुरस्थित त्रिवि अन्तर्राष्ट्रिय क्रिकेट मैदानमा पहिले ब्याटिङ गरेको बागमतीले ४८.३ ओभरमा अलआउट हुँदै २७३ रन बनाएको हो।

बागमतीका लागि ओपनर आशुतोष घिरैयाले शतकीय पारी खेले। उनले १११ बलमा १६ चौका र २ छक्का प्रहार गर्दै ११८ रन बनाए। कप्तान रित गौतमले ४९ र रविन जोशीले ४३ रन बनाए।

कोशीका आभ्याश तिम्सिनाले ३, हेमन्त राई र कमल खत्रीले २–२ तथा फिर्दोश अन्सारीले १ विकेट लिए।