पहाडी भेगमा आंशिक बदली , तराईका केही स्थानमा हुस्सु

काठमाडौं । मुलुकका पहाडी भू–भागमा आंशिक बदली रही बाँकी भू–भागको मौसम सामान्यतया सफा रहने जल तथा मौसम पूर्वानुमान महाशाखाले जनाएको छ ।

आज दिउँसो कोशी, बागमती र गण्डकी प्रदेशका पहाडी भू–भागमा आंशिक बदली रहने छ । बाँकी भेगमा भने समान्यत मौसम सफा रहने महाशाखाको अनुमान छ ।

आज राति कोशी र बागमती प्रदेशका पहाडी भू–भागमा आंशिक बदली रही बाँकी भू–भागमा मौसम सामान्यतया सफा रहने छ ।

नेपालमा अहिले उल्लेखनीय मौसमी प्रणाली नरहेको मौसम विज्ञान विभागले जनाएको छ । काठमाडौंको तापक्रम पछिल्लो समय उकालो लागेको छ ।

काठमाडौंको न्यूनतम तापक्रम आज ७ दशमलव ८ डिग्री सेल्सियस मापन गरिएको छ ।

काठमाडौंको तापक्रम बढ्दै