फुटबल स्टार हालाण्डले युरोकप खेल्न नपाउने, नर्वे छनोट चरणबाटै बाहिरियो

काठमाडौँ। विश्व फुटबलमा नयाँ फुटबल स्टार इर्लिंग हालाण्ड २०२४ को युरोकप खेल्न नपाउने अवस्था देखिएको छ । नर्वे युरोकपमा छनाेट हुने सम्भावना सकिएसँगै अब युरोकपमा सुपरस्टार हालाण्डलाई नदेखिने भएको हो ।

नर्वे रहेको समूह ए बाट स्पेन र स्कटल्याण्ड युरोकपमा पहिलो र दोस्रो हुदै छनाेट भइसकेकाले अब नर्वे युरोकपबाट बाहिरिएको हो । नर्वेले अहिलेसम्म ७ खेल खेलेको छ र ३ जित एक बराबरी र ३ खेलमा हार बेहोर्दै १० अंक बटुलेको छ । अब एक खेल स्कटल्याण्डसँग खेल्न बाँकी रहेका अवस्थामा नर्वे युरोकपमा स्थान बनाउन असफल भएको छ ।

योसँगै नर्वेले अर्को महत्वपूर्ण प्रतियोगिता गुमाएको छ । नर्वे गत वर्ष सम्पन्न फिफा विश्वकपमा समेत छनाेट हुन असफल भएको थियो ।

युरोकपमा आयोजक जर्मनीसहित २४ देशले भाग लिँदै छन् । जसमा १० समूहका विजेता र उपविजेता गरि २० देश सिधै छनाेट हुने छन् भने बाँकी ३ देश युइएफए नेसन्स लिगको वरियता अनुसार प्लेअफ खेल्दै युरोकपमा छनाेट हुने छन् ।