सिरियाको सैन्य एकेडेमीमा आक्रमण : १ सय जनाको मृत्यु, २ सय भन्दा धेरै घाइते

एजेन्सी। सिरियाको होम्स सहरमा रहेको एउटा सैन्य एकेडेमीमा भएको ड्रोन आक्रमणमा परी कम्तीमा १ सय जनाको मृत्यु भएको छ । २ सय जना भन्दा धेरै घाइते भएका छन् ।

विस्फोटक पदार्थले भरिएको ड्रोनले क्याडेटहरूका परिवारहरू उपस्थित भएका स्नातक समारोहलाई लक्षित गरेको थियो । मृत्यु हुनेहरूमा महिला र बालबालिका पनि छन।

सेनाले अन्तर्राष्ट्रिय सेनाद्वारा समर्थित आतंकवादी समूहलाई दोष लगाएको छ। होम्सको उत्तरपश्चिममा विपक्षी नियन्त्रित क्षेत्रबाट ड्रोन आक्रमण गरिएको मानिन्छ।

सिरियाको राज्य समाचार एजेन्सी सानाले सशस्त्र बलको जनरल कमाण्डको एक बयानलाई उद्धृत गर्दै विस्फोटक पदार्थ बोकेका धेरै ड्रोनहरूले दिउँसो स्नातक समारोह समाप्त भएको केही समयपछि होम्स सैन्य एकेडेमीलाई निशाना बनाएको बताएको छ ।

आक्रमणपछि एकेडेमीको परिसर लाश र घाइतेले भरिएको थियो । सिरियन अब्जर्भेटरी फर ह्युमन राइट्सले सिरियाका रक्षामन्त्री स्नातक समारोहमा भाग लिएको तर आक्रमण हुनुभन्दा केही मिनेटअघि नै त्यहाँबाट निस्किएको बताएको छ।

सन् २०११ मा राष्ट्रपति बसर अल-असदले शान्तिपूर्ण प्रजातन्त्र समर्थक प्रदर्शनहरूलाई हिंसात्मक रूपमा दण्डित गरेपछि सुरु भएको गृहयुद्धमा आधा लाखभन्दा बढी मानिस मारिएका छन्।

लगभग ७० लाख मानिसहरू आन्तरिक रूपमा विस्थापित छन्, जबकि अन्य ६० लाख शरणार्थी वा विदेशमा शरणार्थीहरू छन्।