बम आक्रमणको योजना बनाइरहेका पाँचजना आतंकवादी पक्राउ

नेपालभ्युज

इस्तानबुल। टर्कीको सुरक्षा बलले दक्षिणपूर्वी दियारबाकिर प्रान्तमा बम आक्रमणको योजना बनाउने पाँच आतंकवादीलाई पक्राउ गरेको छ ।

टर्कीका आन्तरिक मन्त्री अली येर्लिकायाले प्रतिबन्धित कुर्दिस्तान वर्कर्स पार्टी (पीकेके) लाई उल्लेख गर्दै आतंकवादी संगठनको लागि काम गर्दै आएका ५ जनालाई पक्राउ गरिएको बताएको हो ।

संयुक्त राज्य अमेरिका र युरोपेली संघद्वारा आतंकवादी संगठनको रूपमा सूचीबद्ध पीकेकेले तीन दशकभन्दा बढी समयदेखि टर्की सरकारविरुद्ध विद्रोह गर्दै आएको छ ।

टर्कीले यस वर्षमा मात्रै उत्तरी सिरियामा सीमापार लुकेकाहरूसहित पीकेके र त्यसको सिरियाली शाखा कुर्दिश जन सुरक्षा इकाइका १ हजार १८० भन्दा बढी आतंकवादीहरूलाई पक्राउ गरेको छ ।