रिजालको पार्थिव शरीरमा बालेनले ओडाए झण्डा, आजै अन्त्येष्टि

सभागृह पुगेर काठमाडौंका मेयर बालेन शाहले रिजालको पार्थिव शरीरमा काठमाडौं महानगरको झण्डा ओढाएर श्रद्धाञ्जली अर्पण गरेका छन् ।

नेपालभ्युज

काठमाडौं । निमोनियाका कारण निधन भएका काठमाडौं महानगर– १६ का वडाध्यक्ष मुकुन्द रिजालको पार्थिव शरीरलाई भृकुटीमण्डपस्थित राष्ट्रिय सभागृहमा राखिएको छ ।

आज बिहान निधन भएका रिजालको शवलाई श्रद्धान्जलीका लागि १२ बजेसम्म सभागृहमा राखिने बताइएको छ । त्यसपछि शवयात्रासँगै पशुपति आर्यघाटमा आजै अन्त्येष्टि गरिने रिजालको परिवारले जनाएको छ ।

धापासीको ग्रान्डी अस्पतालमा उपचार गराइरहेका रिजालको आज बिहान मृत्यु भएको हो ।

रिजाल काठमाडौं कांग्रेस क्षेत्र नम्बर ७ क्षेत्रिय सभापति समेत थिए ।