कुकुरले टोकेको कुरा एक महिनासम्म लुकाएका बालकको मृत्यु, गाउँ नै शोकमा

एजेन्सी। भारत उत्तर प्रदेशको गाजियाबादमा कुकुरको टोकाइबाट १४ वर्षीय बालकको मृत्यु भएको छ । यो बालकलाई करिब एक महिनाअघि कुकुरले टोकेको थियो तर डरका कारण बालकले बाबुआमालाई जानकारी दिएका थिएनन् ।

समाचार एजेन्सी पीटीआईले प्रहरीलाई उद्धृत गर्दै भनेको छ कि कक्षा ८ मा अध्ययनरत शाहवाजको सोमबार साँझ मृत्यु भएको हो । उनको मृत्युले गाउँ नै शोकमा डुबेको छ ।

यसको भिडियो पनि सामाजिक सञ्जालमा निकै भाइरल भइरहेको छ ।

रेबिज हुन थालेपछि सेप्टेम्बर १ मा उनले असामान्य व्यवहार गर्न थालेका थिए। परिवारले प्रश्न सोध्दा शाहवाजले आफूलाई छिमेकीको कुकुरले टोकेको बताए ।

परिवारले शाहवाजलाई उपचारका लागि दिल्लीको सरकारी अस्पतालमा लगे तर उनलाई त्यहाँ भर्ना गरिएको थिएन। शाहवाजलाई अन्ततः आयुर्वेदिक उपचारका लागि बुलन्दशहर लगिएको परिवारले प्रहरीलाई बताएको छ ।

तर बुलन्दशहरबाट गाजियाबाद फर्कने क्रममा एम्बुलेन्समै बालकको मृत्यु भएको थियो ।

कोतवाली क्षेत्रका एसीपी निमिश पाटिलले यस विषयमा उजुरी दर्ता भएको र कुकुरको मालिकलाई कारबाही गरिने बताएका छन् ।

कुत्ते के काटने से बच्चे की मौत.. पालतू से लेकर आवारा तक.. बन रहे यमदूत

रेबीज पीड़ित को अस्पताल में डॉक्टर्स ने लाइलाज घोषित किया.. इसके बाद एम्बुलेंस में तड़प-तड़पकर पिता की गोद में दम तोड़ दिया मासूम ने…..

UP : गाजियाबाद में कुत्ते के काटने से 14 साल के बच्चे की तड़प-तड़पकर… pic.twitter.com/J6T1WqTCz4

— TRUE STORY (@TrueStoryUP) September 5, 2023