फोहोर बोकेका गाडीबाट प्रवेश शुल्क नउठाउने ककनी गाउँपालिकाको निर्णय

नेपालभ्युज

काठमाडौं। नुवाकोटको ककनी गाउँपालिकाले फोहोर बोकेका गाडीबाट प्रवेश शुल्क उठाउने निर्णय स्थगित गरेको छ ।

सर्वोच्च अदालतले फोहोर बोकेका गाडीबाट शुल्क नउठाउन आदेश दिएसँगै ककनी गाउँपालिकाले पनि आफ्नो निर्णय स्थगित गरेको हो ।

फोहोर बोकेका ट्रकबाट प्रवेश शुल्क उठाउने निर्णयविरूद्ध ककनी गाउँपालिका, प्रधानमन्त्री तथा मन्त्रिपरिषद् कार्यालय, संघीय मामिला, वन तथा वातावरण र सहरी विकास मन्त्रालयलाई विपक्षी बनाइ हालेको रिटमा सोमवार न्यायाधीश ईश्वर खतिवडाको इजलासले अन्तरिम आदेश दिएको थियो।