आर्थिक वर्षको अन्तिम दिनमा सेयर बजार दोहोरो अंकले बढ्यो

काठमाडौं। आर्थिक वर्षको अन्तिम कारोबार दिन सेयर बजार दोहोरो अंकले बढेको छ । आज सेयर बजार परिसूचक नेप्से १२.१६ अंकले बढेर २०९६७.०९ को विन्दुमा बन्द भएको छ।

आज बैंकिङ उपसूचक १.३३ प्रतिशतले वृद्धि भएको छ भने म्युचुअल फन्ड उपसूचक २.०६ प्रतिशतले बढेको छ । यस्तै लघुवित्त उपसूचक पनि ०.९७ प्रतिशतले बढेको हो । यता वित्त कम्पनी, होटल तथा पर्यटन, हाइड्रोपावर र जीवन बिमा उपसूचकमा भने गिरावट भएको छ ।

आइतबार कारोबार रकम भने घटेको छ। आज ३९ हजार ३७ वटा कारोबारमा ७१ लाख ८४ हजार २५४ कित्ता सूचीकृत धितोपत्र किनबेच हुँदा २ अर्ब ३७ करोड ६४ लाखको कारोबार भएको हो ।

आइतबार नेप्सेमा कुल २२६ सुचिकृत कम्पनीको सेयर कारोबारमा आएका छन् । जसमध्ये ११७ कम्पनीको सेयरमूल्यमा गिरावट हुँदा ९३ कम्पनीको सेयरमूल्य वृद्धि भएको छ । यस्तै ६ कम्पनीको सेयरमूल्य भने स्थिर छ ।