ललिता निवास प्रकरण : थुनामा बस्नु नपर्ने आदेश खारेजीको माग गर्दै प्रहरी गयो सर्वोच्च

काठमाडौं। ललिता निवास प्रकरणमा जोडिएका १७ जनालाई पक्राउ नगर्न दिएको अन्तरिम आदेश खारेजीको माग गर्दै प्रहरी सर्वोच्च गएको छ। प्रहरीको केन्द्रीय अनुसन्धान ब्युरोले सर्वोच्च अदालतमा मंगलबार निवेदन दिएको हो।

१७ जनाले आफूलाई पक्राउ गर्न सक्ने सम्भावना रहेको भन्दै दिएको रिट निवेदनमा सर्वोच्चले अन्तरिम आदेश दिएको थियो। सो आदेश अनुसार गत मंगलबार पक्राउ परेका ३ जना छुटेका थिए।

कलाधर देउजा, हुपेन्द्रमणि केसी र सुरेन्द्रमान कपालीलाई प्रहरीले तत्कालै छाड्नुपरेको थियो । उनीहरूसहित १७ जनालाई पक्राउ गरेर अनुसन्धान गर्न पाउनुपर्ने भन्दै सीआइबी सर्वोच्च गएको हो।

न्यायाधीश ईश्वर खतिवडाको इजलासले गतसाल उनीहरूको पक्षमा आदेश दिएको थियो। २०७९ साउन १९ मा यो प्रकरण अनुसन्धानकै क्रममा थियो।

उनीहरूसहित १७ जनालाई थुनामा बस्नु नपर्ने गरी आदेश भएको थियो। अहिले सोही आदेश अनुसन्धानमा बाधक बनेको भन्दै प्रहरीले आदेश खारेजीको माग गरेको हो। यो प्रकरण अहिले ९ जना हिरासतमा छन्। प्रहरीले अनुसन्धान गरिरहेको छ।