साधारण खर्च बढेर १२ खर्ब २५ अर्ब ८० करोड पुग्यो : अर्थमन्त्री

नेपालभ्युज

काठमाडौं। अर्थमन्त्री डा. प्रकाशशरण महतले साधारण खर्च ह्वात्तै बढ्दा त्यसले अर्थतन्त्रमा समस्या निम्तिएको बताएका छन् ।

सोमबार आगामी आर्थिक वर्ष २०८०/८१ को बजेट प्रस्तुत गर्दै उनले अर्थतन्त्रमा रहेका समस्या प्रस्तुत गरेका हुन् । जसमा उनले साधारण खर्च मात्रै १२ खर्ब २५ अर्ब ८० करोड पुगेको बताए ।

संरचनात्मक तथा केही नीतिगत समस्या रहेको बताउँदै उनले उच्च ब्याजदर, पूँजीगत खर्च नबढेको, समष्टिगत मागमा कमी आएका कारण पनि अर्थतन्त्र समस्यामा परेको बताए ।