गल्फ लुब्रिकेन्टको नुवाकोटमा निःशुल्क सर्भिस क्याम्प सम्पन्न

काठमाडौं। नेपाल ल्युब आयलले उत्पादन गर्दै आएको ‘गल्फ लुब्रिकेन्ट’ले नुवाकोटमा तीन दिने निःशुल्क सर्भिस क्याम्प सम्पन्न गरेको छ । कम्पनीले आफ्नो आधिकारिक बिक्रेता गणपति इन्टरप्राइजेज मार्फत नुवाकोटमा रहेको सागर रिमाल मोटरसाइकल वर्कसपमा उक्त क्याम्प गरेको हो ।

वैशाख १६ देखि १८ सम्म चलेको निःशुल्क सर्भिस क्याम्प नयाँ वर्षलाई लक्षित गरेर संचालन गरिएको थियो । क्याम्पमा सहभागी मोटरसाइकल र स्कुटरका ग्राहकलाई आकर्षक नयाँ वर्ष अफर पनि प्रधान गरिएको थियो । सो अफरअन्तर्गत लुब्रिकेन्टमा ५ प्रतिशत र स्पेयर पार्ट्स खरिदमा ७ सम्मको आकर्षक छुट ग्राहकहरूले पाएका थिए ।

क्याम्पमा ८० जना भन्दा धेरै सहभागी भएको कम्पनीले जनाएको छ । क्याम्पको बारे प्रतिक्रिया दिँदै वर्कसपका सञ्चालक सागर रिमालले भने, ‘गल्फ लुब्रिकेन्टले नुवाकोटमा पहिलोपटक आयोजना गरेको यो क्याम्पमा ग्राहकहरूले उत्कृष्ट सर्भिस र आकर्षक अफरबाट फाइदा लिन पाएका छन् । आगामी दिनमा पनि यस्तै क्याम्प सञ्चालन गर्न हामीलाई प्रेरणा मिलेको छ ।’

फ्युल रिटेल र लुब्रिकेन्टको क्षेत्रमा गल्फ विश्वमै परिचित ब्रान्ड हो । यसले अटोमोटीभदेखि इन्डष्ट्रियल सेक्टरसम्मका उत्पादन उपलब्ध गराउँदै आएको छ । नेपालमा गल्फ ब्राण्ड बिगत ३८ वर्षदेखि लगातार ग्राहकको रोजाइमा पर्दै आएको छ ।