आर्थिक वृद्धिदरमा भारतले चीनलाई उछिन्ने

एजेन्सी। अन्तर्राष्ट्रिय मुद्रा कोष (आईएमएफ) ले भारत विश्वमै तिव्र गतिको आर्थिक वृद्धिको यात्रामा रहेको जनाएको छ ।

आईएमएफले आर्थिक वृद्धि दरको प्रक्षेपणमा कमी आए पनि भारत विश्वको सबैभन्दा द्रुत बृद्धि हुने अर्थतन्त्र रहने बताएको छ । तर, चालू आर्थिक वर्ष २०२३-२४ मा भारतको आर्थिक वृद्धिदर ६.१ प्रतिशतबाट घटाएर ५.९ प्रतिशतमा झरेको छ ।

विश्वव्यापी निकायले आफ्नो वार्षिक विश्व आर्थिक दृष्टिकोणमा २०२४-२५  को लागि भारतको वृद्धि प्रक्षेपणलाई ६.३ प्रतिशतमा घटाएको छ। यसअघि जनवरीमा यो संख्या ६.८ प्रतिशत हुने अनुमान गरिएको थियो ।

आईएमएफको वृद्धि प्रक्षेपण भारतीय रिर्जब बैंक आरबीआईको अनुमानभन्दा कम छ। आरबीआईका अनुसार २०२२-२३ मा ७ प्रतिशत र चालु आर्थिक वर्षमा ६.४ प्रतिशतको वृद्धिदर हुनसक्छ ।

“भारतीय अर्थतन्त्रले राम्रो प्रदर्शन गरिरहेको छ र सबैभन्दा छिटो बढिरहेको एसियाली अर्थतन्त्र र विश्वमा सबैभन्दा छिटो बढिरहेको अर्थतन्त्रमा रहेको छ,” आईएमएफको एसिया र प्रशान्त विभागका उपनिर्देशक एनी-मारी गुल्डे-वुल्फले एक अन्तर्वार्तामा भनेका छन्।

उपभोग बृद्धिमा अपेक्षित सुस्तता आएकाले वृद्धि अनुमानमा केही कमी आएको उनले बताए । उनले आईएमएफले लगानीलाई आर्थिक वृद्धिको मुख्य वाहकका रुपमा हेरेको बताए ।

आईएमएफका अनुसार सन् २०२३ मा चीनको वृद्धिदर ५.२ प्रतिशत र २०२४ मा ४.५ प्रतिशत हुनसक्छ । सन् २०२२ मा यसको वृद्धि दर तीन प्रतिशत थियो।

आईएमएफका प्रमुख अर्थशास्त्री पियरे-ओलिभियर गौरिनचासले आपूर्ति-श्रृंखला अवरोध र युद्धका कारण ऊर्जा र खाद्य बजारमा हुने अवरोध पनि सहज भएको बताए।